Dirk Kuyt

Mig langar aðeins stikla á þessum frábæra leikmanni Liverpool FC.

Staða á vellinum: Framherji/Kantmaður

Fæðingardagur: 22/07/1980

Hæð: 1,80

Leikir með Liverpool: 153

Mörk með Liverpool: 43

Landsleikir með Hollandi: 56

Mörk í landsleikjum: 13

Fyrrum klúbbar: FC Utrecht, Feyenoord

Fæðingarstaður: Katwijk, Holland

Dirk Kuyt er án efa einn duglegasti framherjinn í ensku deildinni ef ekki Evrópu.

Dirk Kuyt er fæddur í litlum fiskibæ sem heitir Katwijk og spilaði með liði bæjarins Quick Boys frá 5 ára aldri.

Þegar hann var 12 ára gamall var hann beðinn um að velja á milli þess að vera sjómaður eða knattspyrnumaður.

Sem betur fer valdi hann knattspyrnuna.

Dirk Kuyt fékk sinn fyrst atvinnumannasamning þá 18 ára gamall 1998 við Utrecht, og skoraði 6 mörk á sínu fyrsta tímabili og spilaði 30 leiki og hann var með þetta meðaltal næstu fimm ár.

Leiktímabilið 2002-2003 átti eftir að verða tímabil sem Kuyt mun ekki gleyma, Utrecht fær til sín nýjann stjóra að nafni Foeke Booy og Booy þessi lét Kuyt vera frammi alla leiktíðinna og skoraði hann 23 mörk, eitt af þessum mörkum kom í bikarúrslitaleik við Feyenoord og hann var kosinn maður leiksins.

Feynoord leist vel á Kuyt og keyptu hann til liðsins sama sumar til þess að leysa Pierre Van Hooijdonk af hólmi.

Á sínu fyrsta tímabili með Feyenoord 2003-2004 skoraði Kuyt 22 mörk.

Tímabilið 2004-2005 byrjaði hann að skora þrennu í fyrsta leik gegn De Graafschap og hann endaði svo tímabilið með að vera markahæstur með 36 mörk.

Tímabilið 2005-2006 var hann gerður að fyrirliða Feyenoord og það tímabil skoraði hann 25 mörk.

Hann lék með með Feyenoord í 3 ár og skoraði 83 mörk í 122 leikjum.

Hann var keyptur til Liverpool sumarið 2006 fyrir 9 millónir punda.

2006-2007 á sínu fyrsta tímabili með Liverpool skoraði hann 12 mörk í deildinni með Liverpool, en hann var meira og minna á kantinum og lék 34 leiki í deild.

2007-2008 lék hann 32 leiki í deild og skoraði 3 mörk.

2008-2009 lék Kuyt 38 leiki og skoraði í þeim 12 mörk.