Samfylkingin skilur þetta ekki.

Samfylkingin mun halda sér frá þessari 20% niðurfellingu alveg þangað til að fólkið á götunni vill niðurfellinguna, Samfylkingin er flokkur með mörgum flokkum í, og er nánast með eina stefnu, innganga inn í ESB, það eru alltaf fleiri og fleiri sem eru að taka undir þessa niðurfellingu, ekki eingöngu á Íslandi heldur mun Hudson koma inn á þetta í Silfri Egils á eftir, en Samfylkingunni er ekki viðbjargandi.

Yfir 1000 hafa sótt um greiðsluaðlögun

Athugasemdir

[Andri (IP-tala skráð) 5.4.2009 kl. 12:06]

Heyr heyr

[Carl Jóhann Granz, 5.4.2009 kl. 13:22]

Ég er alvarlega farinn að hallast undir það að þetta gæti verið þjóðhagslega hagkvæm leið. Sérstaklega þá sá hluti sem fer til fólks sem þarf ekki nauðsynlega á henni að halda þar sem það fólk mun þá geta byrjað að eyða meiru aftur sem mun koma sér vel fyrir alla þar sem efnahagslífið kæmist aðeins af stað aftur.

Það að hjálpa bara þeim allra verst stöddu hjálpar ekki þjóðinni nægjanlega vel þar sem ekkert fer af stað aftur. Okkur vantar að starta efnahagslífinu ekki bara rétt getað borgað skuldirnar.

Ég tek það einnig fram að báðar leiðir eru frekar ósanngjarnar fyrir mig þar sem mun ekki njóta góðs af neinni niðurfellingu. Mín von liggur í því að þjóðfélagið komist sem fyrst af stað aftur, þó lítið sé.

[Ægir Óskar Hallgrímsson, 5.4.2009 kl. 13:32]

Ég er nokkuð viss um að það séu margir sem þurfa ekkert á þessu að halda sem er bara gott, en við verðum að hugsa um þá sem þurfa á þessu að halda, en nei Jóhanna er svo hrædd um að auðmenn landsins fái svo mikið afskrifað, að hún er örugglega andvaka yfir þessari hugmynd.

[Herdís Björk (IP-tala skráð) 5.4.2009 kl. 15:28]

Þetta er ómálefnalegt. Ég er jafnaðarmanneskja - sumsé innan Samfylkingarinnar - og get vel tjáð þér það að ESB er ekki eina málið. Langt í frá. Skoðaðu Island.is og athugaðu hvort þar snúast allar aðgerðir um ESB.

Varðandi 20% leiðina þá er ég henni verulega andsnúin og finnst ég hafa ágæt rök fyrir.

Ég skil ekki hvernig nokkur maður getur haldið því fram að 20% niðurfelling leysi vandann! Það hefur komið fram við útreikninga SB að slík niðurfelling BARA fyrir heimilin kostar ríkissjóð um 285 milljarða. Og hvernig ætti svo að greiða það? Ætli það gæti ekki orðið aukin skattbyrði eða hreint "hrun" á velferðar og/eða þjónustugeira hins opinbera. Er það sanngjarnt gagnvart þeim sem skulda EKKI? Ég er t.d. námsmaður og á eftir að eignast börn... er það sanngjarnt ofan á allt annað að ávísa reikningnum á komandi kynslóðir?

Svo er vitað að slík niðurfelling dettur "dauð" hjá mörgum - sums staðar dugar hún ekki til og þá þarf sértæk úrræði. Annars staðar er hennar ekki þörf vegna þess að fólk var forsjált - eða hefur næga greiðslugetu. Þess vegna finnst mér að þurfi að ráðast að rót vandans - sértæku úrræðin strax og þá greiðsluaðlögunarleiðin ágæt.

Varðandi fyrirtæki þá held ég að 20% leiðin sé leynt og ljós knúin áfram af þeim fyrirtækjum sem mestra hagsmuna hafa að gæta... Hvað með ónefnt flutningafyrirtæki sem fór svo illa með rekstur sinn að það greiddi út hundruðir milljóna í "árangurstengda" bónusa - þrátt fyrir "lóðréttan" hallarekstur.

Heimilin þurfa ábyrg stjórnvöld sem byggja á raunsæjum og sanngjörnum leiðum til lengri tíma - ekki flýtileið sem sökkvir okkur enn dýpra í skuldafen til framtíðar. Það þarf að vera hægt að treysta því að fólk í erfiðleikum leiti til stofnanna til að fá aðlögun - næga framfærslu og byrði í samræmi við það.

Auðvitað er þetta bara mín skoðun - ég skil vel rétt annarra til að hafa sínar.