Við þurfum framleiðslufyrirtæki!

Við þurfum framleiðslufyrirtæki sem fyrst, og það er mín ósk að stjórnvöld fari í það verkefni að fá fyrirtæki til landsins sem eru tilbúinn að setja hér niður fót fyrirtæki sem framleiði vörur og minnki atvinnuleysi og styrki íslenska framleiðslu af öllum mætti.

Meirihluti telur álver hafa jákvæð áhrif á efnahagslífið

Athugasemdir

[Steinar (IP-tala skráð) 23.11.2008 kl. 13:47]

Eins og staðan er á íslandi í dag amk. Þá er ódýrara að borga starfskrafti 10 krónur á tímann í verksmiðjum í asíu eða kína heldur en 1500-2000 kall hérna á klakanum.

Afhverju ætti nokkur maður að framleiða nokkuð hérna á íslandi nema það þurfi gífurlega orku því þá fyrst verður ísland ódýrt því við höfum ódýra orku.

Fiskur, mannauður og ódýr orka er það eina sem við höfum. Við höfum of dýrt vinnuafl til þess að geta laðað til okkar nokkurskonar "venjulega" framleiðslu.

[Jón Steinar Ragnarsson, 23.11.2008 kl. 14:06]

Það vakna spurningar hér. Könnun gerð fyrir Alcoa, er hún spillt af hagsmunum þessa fyriirtækis? Hvar er hún tekin? Hvernig var spurt? Hvaða niðurstöðu var leitað?  Hér ber að hafa í huga að flestir eru þeirrar skoðunnar að iðnaður almennt geti tæpast verið neikvæður fyrir efnahaginn, það væri nú annað hvort! 

Hér ætlast menn til að fólk dragi þá ályktun að mikill meirihluti sé fyrir frekari uppbyggingu í áliðnaði hér. Það er alls ekki það sem er spurt um.

Ef þeir spyrðu hinsvegar hvort fólk liti jákvæðum augum á frekari áliðnað og einsleitni í atvinnulífi, væri niðurstaðan vafalaust neikvæð.

Spyrja mætti: Eru áhrif efnaiðnaðar jákvæð fyrir efnahaginn? Svarið er já. Fyrir umhverfi og fjölbreytni atvinnulifs, menningu og heilsu.  Nei.

Það sama gildir um það sem spurt er.

Hér eru spindoktorar auðhringanna í sínu alkunna formi við að bjaga almenningsálitið. 

[Jón Aðalsteinn Jónsson, 23.11.2008 kl. 14:53]

Steinar miðað við að fyrirtækið hafi inkomuna í evrum og segjum að evran sé i augnablikinu 200 kr eins og er sumstaðar úti eru laun Íslendings í raun 10 kr á klukkutiman þegar fyrirtækið selur evrurnar fyrir ISK til að borga launin

[Sveinn (IP-tala skráð) 23.11.2008 kl. 16:13]

Það er rétt að við þurfum framleiðslu ...á vörum til að selja til útlanda ...en leiðin til þess er ekki að fara í stóriðju, nær er að stefna að útflutningi á hugviti og hátækni (sbr próteinaframleiðsluna í Grindavík) 

Datt í hug að hér væri góður staður til að koma smá ábendingum á framfæri varðandi stóriðju. Veit einhver hvað margir íslendingar eru að vinna á Reyðarfirði í dag? Er það satt sem heyrst hefur að 80% starfsmanna séu erlendir og stórkostleg vandræði séu að ná í mannskap frá útlöndum því íslendingar vilji ekki vinna í umhverfi þar sem enginn talar íslensku? Svona tal er bara slúður og því eru hérna alvöru rök fyrir því hvers vegna stóriðja er tóm vitleysa:

Frá því að ákvörðun var tekin af Alþingi um að leyfa byggingu Kárahnjúkavirkjunar hafa stýrivextir breytzt töluvert.

Stýrivextir höfðu verið á niðurleið um nokkurt skeið, voru í 8% sumarið 2002 og voru enn í lækkun (5.80%) í janúar 2003 þegar Alþingi samþykkti af fara af stað með virkjunina. Ætli þetta "skelfilega" lága vaxtastig, sem var farið að valda titringi hjá þeim sem mest áttu af peningum á Íslandi, hafi kannski haft einhver áhrif á valdaklíkur á Íslandi?

Um leið og búið var að ákveða að fara af stað í virkjunina var ÖRUGGT að gengi mundi styrkjast verulega, stýrivextir mundu hækka og verðbólga mundi aukast verulega. Þetta er auðvitað allt í besta lagi fyrir þá sem eru Í PLÚS en ekki skuldara.

Hérna má svo sjá þróun stýrivaxta til dagsins í dag:

7. jan 03   5.80%

7. jan 04   5.30%

7. jan 05   8.25%

6. jan 06  10.50%

8. jan 07  14.25%

7. jan 08  13.75%

23. nóv 08 18.00%

Fastlega er reiknað með að vextir muni enn hækka.

 Verðbólgan hefur þróast með svipuðum hætti, hún var komin í algjört lágmark áður en ákvörðun var tekin um Kárahnjúkavirkjun en hefur aukist síðan og stefnir nú í 20%.

Þegar lá fyrir að krónan mundi styrkjast tóku íslenskir fjárfestar og bankar eins mikið af erlendum lánum og þeim var framast unnt. Lánin voru að miklu leyti greidd upp síðar þegar krónan hafði styrkst. Þar högnuðust þeir sem áttu peninga. Þeir sem enga áttu.... þeir borga ennþá brúsann

Kárahnjúkavirkjun og álverið á Reyðarfirði er ein stærsta ástæða þess hversu skuldug þjóðin er í dag. Þjóðin mun aldrei sjá neinn hagnað frá þessu álveri.

Tökum dæmi um mann sem er með 500.000 kr yfirdráttarheimild. Yfirdráttarvextir eru iðulega uþb 10% hærri en stýrivextir.

Árlega borgaði þessi maður uþb 6.300 kr á mánuði í vexti af upphæðinni eða rúmar 70.000 kr á ári. Í

Í dag borgar þessi maður um 12.000 kr á mánuði í vexti af upphæðinni eða um 140.000 kr á ári.

EKKI NEMA HELMINGI HÆRRA

Það má reikna með því að þessi upphæð hækki enn frekar eða í 150-160.000 kr á ári af 500.000 kr höfuðstóli.

Hækkun stýrivaxta og verðbólga veldur því fyrst og fremst að SKUDARAR greiða mun hærri upphæðir í vexti.

Kárahnjúkavirkjun hefur fyrst og fremst valdið hækkun stýrivaxta og verðbólgu. Þegar bætist svo við ástandið í heiminum og óstjórn í bönkum er ekki nema von að við séum komin í þessa stöðu.

Ég skulda töluvert meira en 500.000. Það má færa fyrir því gild rök að Kárahnjúkavirkjun hafi kostað mig hátt í 2 milljónir á síðustu 4 árum.

Mig langar fyrir hönd annarra skuldara hér á landi að þakka kærlega fyrir höfðinglega "gjöf" Alcoa manna sem hafa rústað fallegasta firði Íslands.

Bið ykkur sem greinilega skuldið ekkert að hugsa aðeins til okkar smælingjanna áður en þið haldið áfram þessi blessaða stóriðjurugli sem gerir slæmt ástand aðeins enn verra.

Hvers vegna skyldu stjórnvöld annars hika við að drífa upp stóriðju núna? Getur verið að stjórnvöld séu búin að átta sig á því að fyrri ákvarðanir voru mistök? Er hugsanlegt að stjórnvöld átti sig á því að ekki er hægt að skuldsetja þjóðina enn meira og ekki hægt að leggja á skuldugar fjölskyldur landsins enn hærri vexti og verðbólgu?

Þjóðin var sofandi þegar Kárahnjúkavirkjun var reist. En er hún enn sofandi? Hvernig væri að hlusta einhvern tíma á mennina sem bera EKKI ábyrgð á ástandinu í dag, Steingrímur Joð, Guðmundur Steingríms, Andri Snær ... það er öruggt að ef hlustað hefði verið á þessa menn síðustu ár værum við ekki að borga 30% yfirdráttarvexti.

Þetta er ekki rocket science

Háir stýrivextir, verðbólga = fínt fyrir þá sem eiga peninga, slæmt fyrir þá sem eiga skuldir. Þess vegna er það óskiljanlegt að hinir skuldugu íslendingar hafi kosið yfir sig í 20 ár stjórnvöld sem bera ábyrgð á ástandinu. Haldið þið, kæru skuldarar, að Sjálfstæðisflokknum sé ekki sama um skuldirnar ykkar? Þeim er bara annt um þá sem eiga peninga, ekki þá sem skulda.  

Hugsið málið

Með baráttukv.

S

[Sveinn (IP-tala skráð) 23.11.2008 kl. 16:19]

Bendi á þennan hressandi tengil:

http://www.karahnjukar.is/article.asp?catID=359&ArtId=589

Davíð segir:

"

 

Útreikningar Seðlabankans benda til þess að án gengisaðlögunar og hagstjórnaraðgerða verði framleiðsluspenna vegna stóriðjuframkvæmda á Austurlandi umtalsvert meiri en á ofþensluárunum 2000 og 2001. Ástæðan sé sú að hagvöxtur verði talsvert umfram jafnvægisvöxt eða sem nemur 4-4,5% þegar mest lætur, sem geti þýtt um 7% hagvöxt. Afleiðingin geti orðið um eða yfir 4% meiri verðbólga en án stóriðju á árunum 2005 og 2006, sem viki verulega frá verðbólgumarkmiðum Seðlabankans.

 

Seðlabankinn segir að til þurfi að koma hagstjórnarúrræði því án slíkra ráðstafana verði vextir 4,5% hærri en án stóriðju, sem geti þýtt allt að 10% stýrivexti."

 

Þessi frábæra áætlun Seðlabankamanna gekk aldeilis vel upp.

Stýrivextir náðu 10.5% í janúar 2006 .. verst þeir héldu bara áfram að hækka.. er hugsanlegt að stjórnvöld og seðlabanki HAFI HUGSANLEGA EKKI SÉÐ FYRIR AÐ SVONA GÆTI FARIÐ?

 

Góðir Íslendingar - Við kusum þetta yfir okkur

Nú tökum við á okkur ábyrgðina af þeim ákvörðunum okkar

Erum við kannski fávitar?

 

[Gunnar Ásgeir Gunnarsson, 23.11.2008 kl. 18:38]

Sveinn

Ég tel þetta alveg fráleita söguskýringu Það er ekki framkvæmdum fyrir austan að kenna hvernig komið er en er að hjálpa okkur núna í meiri gjaldeyristekjum

Það sem orsakaði þessar stýrivaxta okur er útlánasprenging á Reykjavíkursvæðinu í erlendum lánum, Í Reykjavík er búið að fjárfesta í allslags húsnæði fyrir 4-5 sinnum hærri upphæð á síðustu árum en fyrir allar framkvæmdirnar fyrir austan og stór hluti af því er ekkert að gefa af sér.  Talað er um 6000 tómar íbúðir. Fáránleg uppbygging verslunarhöllum sem koma að að stærstum hluta til að standa tómar á næstu árum. 

Eina og fljótvirkasta leiðin til að koma okkur útúr kreppunni er að hefja stækkun á straumsvík sem fyrst og hraða framkvæmdum við Helguvík.  Þannig fáum við erlendan gjaldeyri inn í landið á meðan uppbyggingu stendur og vinnu fyrir byggingariðnaðinn og alvöru gjaldeyristekjur í framhaldinu.

[Sveinn (IP-tala skráð) 24.11.2008 kl. 12:25]

Það er AUGLJÓS staðreynd að Kárahnjúkavirkjun og álveri á Reyðarfirði fylgdu gríðarleg ruðningsáhrif sem komu fram í hærri vöxtum og aukinni verðbólgu.

Þetta hljóta allir að sjá.

Viljum við meira af þessu?

Auðvitað er hækkun húsnæðisverð hluti vandamálsins, ...en ef Kárahnjúkavirkjun hefði ekki verið reist hefðu íbúðarlán í erlendri mynt ALDREI komið til alvarlegrar skoðunar. Íslensku bankarnir voru búnir að taka gríðarleg lán í útlöndum og losuðu sig svo auðvitað við þau yfir á íslenskan almenning þegar krónan var orðin mátulega sterk.

Stækkun í Straumsvík og álver í Helguvík eru einhver bilaðasta hugmynd sem til er í augnablikinu. Algjörlega út úr korti.

Gjaldeyristekjur eru nauðsynlegar en þjóðin má ekki við hærri vöxtum og verðbólgu. Það þarf að sökkva þensluskútunni. Er ekki komið nóg?