Þarna er skömm Íslands...

Frábær dagur og allir Íslendingar eiga að fagna þessum fagra degi, og njóta hans í botn, en það er til fólk sem vill þessum degi ekki vel...eins og sést á þessum myndum, fólk sem er á móti kristum gildum, vill meiri fjölþjóðavæðingu, en gefur skít í þann dag sem þessi litla þjóð mín varða sjálfstæð...ég er afskaplega stoltur Íslendingur...en skammast mín að sjá svona hluti þarna sem eru í engu öðru en skemmdarhug.

Ísland sem sjálfstætt ríki að eilífu.

Jón Sigurðsson

(F 17 Júní 1811- D 7 Desember 1879)

Jón Sigurðsson

Púað á Sigmund Davíð

Athugasemdir

[Jón Valur Jensson, 17.6.2015 kl. 12:42]

Tek undir orð þín, Ægir Óskar. Þetta var hneisa, en við engu minna má búast af tapsárum, heiftúðugum vinstri mönnum sem hafa látið áróðursmaskínu Fréttablaðsins mánuðum og árum saman æsa sig upp til vanvirðingar við okkar sjálfstæða lýðveldi og lögleg stjórnvöld.

En þér og lesendum þínum óska eg til hamingju með 17. júní.

[Ingibjörg Guðrún Magnúsdóttir, 17.6.2015 kl. 13:40]

Gleðilega Þjóðhátíð Ægir Óskar og sammála þér.

[rhansen, 17.6.2015 kl. 14:07]

SVÖ INNILEGA SAMMÁLA ! ..Gleðilega þjóðhátið !

[Helgi (IP-tala skráð) 18.6.2015 kl. 10:00]

Sæll.

Tek undir með þér, 17. júní er þjóðhátíðardagur og á að vera ópólitískur. Þetta fólk þarna varð sér til fullkominnar skammar þó það fatti það auðvitað ekki sjálft. 

Þetta stjórnlagaráð var auðvitað ekkert annað en tóm della (sjá myndir við frétt) enda krukka menn ekki í stjórnarskránni eftir bankahrun enda kom stjórnarskrá okkar bankahruninu ekkert við - það var ekkert orsakasamhengi þar á milli. Samfylkingin fattaði það auðvitað ekki frekar en margt annað.

Gaman verður að sjá svipinn á Samfylkingarfólki í lok þessa mánaðar þegar allt fer í steik innan ESB. Vilja menn þá samt inn í skrifræðisbáknið?

Svo er vert að leiða hugann að því að ef Icesave 1 hefði verið samþykktur (sem Sf og Vg báru 100% ábyrgð á) værum við að byrja að borga núna hundruðir milljarða til ESB sem reyndi að pína okkur til að borga - gegn eigin reglum!! Við skulum halda því á lofti og ekki leyfa þessu fólki að hlaupa frá eigin mistökum og dellu. Höldum þessu á lofti og leyfum Vg og Sf ekki að gleyma þessu.

[Óli Jón, 20.6.2015 kl. 09:34]

Ægir: Í hvaða kristilegu gildi ert þú að vísa? Umburðarlyndið sem þú ert að sýna hér? Réttindaleysi kvenna? Baráttuna gegn samkynhneigðum? Meðmæli með þrælahaldi? Mig grunar að þú hefðir fett fingur út í það þegar persóna í skáldsögu fór mikinn í einhverju musterinu og velti um borðum fólks sem var bara að stunda viðskipti þar. Þér þætti það líklega argasti dónaskapur, eða hvað?

En það er vissulega leitt að þessi skríll* eyðilagði fyrir þér þennan dag. Líklega er bara öruggast fyrir þig að halda þig heima að ári og spila kirkjutónlist. Þá þarftu ekki að hafa skrílinn fyrir augunum, eyðileggjandi allt.

* Skríll er í þessu samhengi fólk sem hefur mótmælt á Austurvelli á 17. júní. Þetta er óuppdreginn lýður sem í ófyrirleitni sinni gefur lítið yfir kristileg gildi og í eigingirni sinni eyðileggur allt fyrir almennilegum og réttilega kristnum borgurum þessa lands sem vilja bara njóta helgi þessa dags án alls skríls. Að hugsa sér að til skuli vera fólk sem jafnvel íhugi það að mótmæla á Austurvelli á 17. júní?! Slíkt fólk hefur bersýnilega gengið úr sambandi við Drottinn guð sinn og samfélag kristinna og gefið kristilegum gildum fingurinn með ófyrirleitnum hætti!

[Óli Jón, 20.6.2015 kl. 09:36]

Ægir: Fyrirgefðu, ég gleymdi auðvitað að armæðast yfir því hvað verði um blessuð börnin í þessu ástandi!

[Jón Valur Jensson, 20.6.2015 kl. 22:57]

Hótfyndinn ertu, Óli Jón, en ekki mark á þér takandi í kirkju- og kristni-andúð þinni og fylgi þínu við dónana 400 sem spilltu fyrir þjóðinni 17. júní.

[Óli Jón, 21.6.2015 kl. 12:33]

Jón Valur: Tókstu þetta til þín?

Það væri reyndar alveg rökrétt því þú byrjaðir þessa seinni tíma hefð að mótmæla á Austurvelli á 17. júní þannig að best er að koma skömminni beint þangað sem hún á heima. Þú hefur því ekkert annað erindi í svona umræður, m.v. þinn málflutning, en að biðjast auðmjúklega afsökunar og biðjast forláts á andfélagslegri, andkristinni, andþjóðsálms, andfjallkonu og andþjóðlegri hegðun þinni 17. júní 2009. Þú getur málað þetta fögrum and-ESB litum, en það er bara píp. Þú ert mótmælandi nr. 1 á Austurvelli á 17. júní og þú getur bara verið stoltur af því að hafa rutt þessa braut. Taktu því fegins hendi því m.v. skrif þín hér á blogginu státar þú ekki af miklu sem þú getur verið stoltur af.

Manstu þegar þú skræktir á blogginu 17. júní 2009?

Ekki seinna en nú á þessum degi ber okkur að hefjast handa við að láta raddir okkar heyrast gegn svikastefnu stjórnvalda.

Sökum þessa verður þú að viðurkenna rétt annarra til þess að mótmæla á sama hátt og þú gerðir ella vera úthrópaður sem hræsnisfullur vindhani sem telur að sér beri allt á meðan öðrum beri ekkert. Komdu ekki með neitt aumkunnarvert undankomuraus um að þinn málstaður hafi verið réttmætur á meðan málstaður allra annarra er það ekki. Þú ert bersýnilega hlutdrægur í málinu og getur ekki verið dómari í eigin stóru og ljótu sök (að þínu eigin mati)!

[Óli Jón, 21.6.2015 kl. 12:35]

Jón Valur: Fyrirgefðu að ég skuli vitna í þín eigin orð gegn þér, það er auðvitað ósanngjarnt að fella svona skellibjöllur eins og þig á þeirra eigin kauðslega bragði.